Облыстық мәслихаттың 24-ші кезектен тыс сессиясында Ақмола облысының әкімі Мәлік Мырзалиннің қатысуымен ағымдағы жылға өңірдің облыстық бюджетіне өзгерістер енгізілді.
Экономика және бюджеттік жоспарлау басқармасының басшысы Қанат Дүзелбаев бюджет қаражатын тиімді пайдалану үшін бюджеттік бағдарламаларға оларды қайта бөлу арқылы өзгерістер енгізілгенін хабарлады. Қолданыстағы проблемалық мәселелердің басымдықтарын ескере отырып, аталған қаражат тұрғын үй инфрақұрылымын салу мен бірлесіп қаржыландыруға, көлік жүйесін дамытуға және әлеуметтік саланы одан әрі дамытуға бағытталды.
Депутаттар бюджетті нақтылау туралы шешімді бірауыздан қолдады. Депутаттардың бюджет қаражатынан бөлінген бағдарламаларды әкімшілердің толық игеруі туралы сұрақтарына жауап берген облыс әкімі барлық әкімшілердің міндеттерді толық орындамайтынын атап өтті. Бұл жағдайды түзету үшін депутаттар мен партиялықтар ретінде облыстық комиссиялардың жұмысына қосылуы тиіс. Аяқталған объектілерді қабылдау, мердігерлердің жұмысын сапалы бақылау бойынша комиссиялардың жұмысында жалпы қоғам мен азаматтық қоғам өкілдерінің қатысуы да үлкен маңызға ие болып табылады. БАҚ беттерінде қаражатты игеру, маңызды әлеуметтік нысандарды, тұрғын үйлерді тапсыру аясында жауапты тұлғалар қызметінің теріс нәтижелерін жиі жариялау керек.
Бұдан басқа, мәслихат сессиясында облыстық әкімдіктің жанындағы консультативтік-кеңес беру органдарындағы өзгерістер туралы 16 шешім қабылданды.
