ПРЕЗИДЕНТТIҢ ҚАЗАҚСТАН ХАЛҚЫНА ЖОЛДАУЫ



ДЕПУТАТТЫҚ IC ТУРАЛЫ

Камышанский Виталий - Ауылға тарту
Жарқайың ауданының әкімі Мұрат Балпан өзінің Facebook-тегі парақшасында жаңалықпен бөлісті: Ақмола облыстық мәслихатының депутаты, кәсіпкер Виталий Камышанский "Жарқайын" ЖШС...

Работа в режиме нон-стоп
В течение октября депутат Акмолинского облмаслихата, первый заместитель председателя Есильского территориального филиала партии «Нұр Отан» Анель Ерденова приняла более...

Депутат областного маслихата, Максим Божко
Депутат областного маслихата, Председатель наблюдательного совета ТОО «Управляющая компания Шанырак» Максим Божко: Нынешнее Послание «Рост благосостояния...

Архив
Басты бет Қабылдау кестесі Байланыс ақпараты Мәслихат тарихынан ОБЛЫСТЫҢ ҚҰРМЕТТІ АЗАМАТЫ

Жолдау мұраты – еліміздің жан-жақты дамуы

04.09.2020

Ақмола облыстық қоғамдық кеңесінің кезекті кеңейтілген отырысы Мемлекет басшысы Қасым-Жомарт Тоқаевтың Қазақстан халқына арнаған «Жаңа жағдайдағы Қазақстан: іс-қимыл кезеңі» атты Жолдауын талқылауға арналды.

    Отырыста кеңес мүшелері маңызды құжатта айтылған міндеттерге қатысты өздерінің ой-пікірлерін білдіріп, еліміздің алдағы кезеңге даму бағытын айқындап берген Президент Жолдауын бірауыздан қолдайтындықтарын жеткізді.
Кеңес отырысын жүргізген облыстық қоғамдық кеңестің төрағасы Сағынтай Елубаев Президент Жолдауының басым бөлігі дағдарыстан кейінгі экономикалық және әлеуметтік мәселелерді шешуге, халықты жан-жақты қолдауға және елдің әл-ауқатын арттыруға бағыттағанын, маңызды құжатта мемлекеттік басқару ісінің, экономикалық-саяси және әлеуметтік салалардың өзекті мәселелері қамтылғанын, соған сәйкес Үкіметке, Парламентке және өңірлерге тиісті тапсырмалар берілгенін атап өтті.
    Осы ретте, Жолдаудың «Мемлекеттік басқарудың жаңа моделі» деп аталатын бірінші бағыты бойынша сөз алған Қазақстан Республикасы Мемлекеттік қызмет істері агенттігі Ақмола облысы бо-
йынша департаментінің басшысы Берген Беспалинов мемлекеттік басқаруды реформалау бүкіл мемлекеттік аппараттың қызметін қайта қарауды қажет ететінін айтты. Бүгінде мемлекеттік қызметке жаңадан білікті мамандар қажет. Осы орайда, Президент Жолдауында жастар кадрлық резервіне тағы да іріктеу жүргізу міндеті қойылған. Президент тапсырмасына сәйкес, мемлекеттік аппаратты қысқарту тездетіліп жүргізілуі керек. Департамент басшысы мемлекеттік аппаратты қысқартудағы мақсат салаға цифрландыру, жобалық басқару, мемлекеттік органдардың функционалды талдауы секілді жаңа тәсілдерді енгізуде деді. Қысқартылған орындардың есебінен қалған мемлекеттік қызметшілердің еңбекақылары өсіп, келер жылдан бастап, еңбекақы төлеудің факторлық-балдық шкаласы енгізіледі.
    Жолдауда бизнесті дамытуға, қайта өңдеуге, өндірістік әлеуетті және ішкі нарықтың мүмкіндігін тиімді пайдалануға, медициналық қызмет сапасын көтеруге, азаматтардың қауіпсіздігін сақтап, құқығын қорғауға зор көңіл бөлінгені тұрғысында «ХБК» Ақсай» жауапкершілігі шектеулі серіктестігі Ақмола облысы бойынша филиалының директоры Сәуле Соболевская, Ақмола облыстық көпбейінді ауруханасының бас дәрігері Нұрлан Жаров, Қазақстан Коммунистік Халық партиясы Ақмола облыстық комитетінің бірінші хатшысы Олжас Сыздықов сөз алды. Сондай-ақ, Көкшетау қаласының Құрметті азаматы Болат Жанәділов кеңес мүшелерінің назарын Жолдауда айтылған міндеттердің орындалуын қадағалау керектігіне аударса, «Ақмола-«Тіршілік» жауапкершілігі шектеулі серіктестігінің директоры Жабал Ерғалиев еліміздің әрбір азаматы Жолдауда айтылған ұлттық болмыс мәселесіне мән берсе деген тілегін жеткізді. Қоғамдық кеңес мүшелері Жолдаудың балаларға экологиялық білім беру, ауылдарды дамыту, жемқорлыққа жол бергендерге жазаны күшейтуге қатысты тұстары өте орынды екенін атап өтті.


Венера ТАЛҒАТҚЫЗЫ,
«Арқа ажарының» өз тілшісі.

 
 
ПОЧТОВЫЙ АДРЕС: г. Кокшетау ул. Абая 83, индекс: 020000
ТЕЛЕФОН: 8 (7162) 25-47-68
ФАКС: 8 (7162) 25-71-80
ЭЛЕКТРОННАЯ ПОЧТА: akm_maslihat@mail.ru